A Plataforma SOS Sanidade Pública de Galicia solicita por carta unha xuntanza co presidente da Xunta

Sr. Presidente da Xunta de Galicia:

Sr. Presidente: como Voceiro da Plataforma SOS Sanidade Pública de Galicia (alianza de organizacións sociais, sindicais e políticas, organizadas en Rede non xerárquica, para a defensa e mellora da Sanidade Pública Galega) quero solicitarlle unha xuntanza, para tratar o proxecto de reforma da Lei Galega de Saúde do ano 2008 e a apertura dun proceso de negociación participativa, aberta a todolos axentes sociais, para abordar os principais problemas que afectan ao noso Sistema Sanitario Público, como consecuencia das medidas adoptadas pola crise económica e polos problemas da colaboración público privada para financiar e xestionar novas infraestruturas sanitarias.

A gran mobilización social do pasado día 4 de febreiro, que reflicte o malestar de boa parte da poboación, por enriba de lexítimas diferenzas políticas e ideolóxicas, tiña dúas reivindicacións: a retirada do Proxecto de modificación da Lei Galega de Saúde e a apertura de dialogo coa administración.

En espera da súa resposta, reciba un cordial saúdo.

Manuel Martin Garcia.

Voceiro da Plataforma SOS Sanidade Pública de Galicia.

Deja un comentario

Tu dirección de correo electrónico no será publicada. Los campos obligatorios están marcados con *

3 × uno =