CCOO rexeita o uso do sistema Kronos na Administración autonómica para «coaccionar o persoal» en vez de racionalizar os horarios

A Federación de Servizos á Cidadanía de CCOO de Galicia rexeita o uso do sistema Kronos na Administración autonómica para «coaccionar o persoal» en vez de racionalizar os horarios, que supostamente era o seu obxectivo. O sindicato critica a información «tendenciosa» que a Consellaría da Presidencia «facilitou a algún medio de comunicación» sobre a aplicación deste novo método, centrada esencialmente en ameazar coas consecuencias dos incumprimentos Leer más

La Plataforma en Defensa del sector Marítimo Pesquero de Galicia ha puesto en marcha dos redes de acuicultura y acuícola europeas

La Plataforma en Defensa del sector Marítimo Pesquero de Galicia www.pladesemapesga.com ha puesto en marcha dos redes de acuicultura y acuícola europeas con sus páginas web adaptada a las tecnologías actuales y en la que, entre otros aspectos, destaca una amplia información sobre la Acuicultura y los sistemas acuícolas de Galicia, España y Europa.

Leer más

8 de Marzo: camiñando cara á folga internacional de mulleres

Dende o 16 ao 30 de xaneiro, a CIG vai realizar asembleas de delegadas e afiliadas en todas as comarcas do país para dar a coñecer e debate arredor da convocatoria de folga de mulleres do vindeiro 8 de marzo, Día Internacional da Muller Traballadora.

 

A CIG convoca esta folga no marco do paro internacional de mulleres que se desenvolverá en máis de 50 países do mundo o 8 de marzo, para reivindicar a igualdade de oportunidades entre mulleres e homes nas condicións de traballo, na esfera social e o dereito a vivir sen violencia.

Calendario de asembleas xa confirmadas

– A Mariña, luns 22 de xaneiro, no local sindical de Burela.

– Vigo, mércores 24 de xaneiro, no local sindical.
– Santiago, mércores 24 de xaneiro, no local sindical.
– A Coruña, xoves 25 de xaneiro, no edificio sindical.
– Ourense, pendente de concretar data.
– Lugo, pendente de concretar data.
*En Pontevedra, a asemblea celebrouse o martes 16 de xaneiro.

Reivindicando os dereitos das mulleres

A CIG fai un chamamento a secundar este paro de mulleres para seguir reivindicando neste 8 de Marzo que queda moito por facer pola igualdade e por visualizar a contribución de todas as mulleres ao mundo. Unha folga que permita visibilizar a situación que padecen as mulleres, para esixir a mellora das súas condicións sociolaborais e a fin das discriminacións laborais (fenda salarial, atrancos nos dereitos de conciliación, acoso laboral, sexual e por razón de sexo e identidade, xornadas parciais, dobre xornada, chan pegañento, etc.); mais tamén para que se adopten medidas inmediatas para rematar coa violencia machista (sexual, agresións, feminicidios) e o resto das discriminacións.

Neste senso, a Secretaría das Mulleres da CIG explica que alén do paro laboral, con esta convocatoria tamén se fai un chamamento ás mulleres para que se absteñan de asistir ás clases, de realizar traballos domésticos ou de coidado, e ao tempo, realizar un boicot permanente ás empresas con políticas misóxinas.

A adega da Rioxa, Ramón Bilbao acapara o 21% das axudas á reestruturación do viñedo en Galiza

A Consellaría de Medio Rural publicou, o pasado 9 de xaneiro, a listaxe de persoas e empresas beneficiarias das axudas aos plans de reestruturación e reconversión da viña en Galicia de 2017. Dos 726.400 euros que se repartiron entre os 62 plans aprobados, unha adega da Rioxa, Ramón Bilbao, beneficiada con 156.706 euros, quedou co 21% do orzamento. Se imos ampliando o podio, seguen aparecendo grandes adegas con grandes subvencións. Así, só as cinco primeiras coparon o 60% dos cartos. Ademais de Ramón Bilbao, e por orde: Agrícola Anmar (Martín Códax), con 94.941 €; Terras Gauda, con 61.907 €; Virxe de Galir, con 74.753 €; e González Byass, de Xerez (Cádiz), con 51.115 €. Engadindo as dúas seguintes adegas (Pazo das Tapias, con 27.526 €; e Bodegas Campante, con 27.451), este selecto grupo levaría case o 70% das axudas. Leer más

A CIG manifesta a súa rotunda oposición a ampliar o período de cálculo das pensións a toda a vida laboral

 A CIG considera que o anuncio da Ministra de Emprego e Seguridade Social, Fátima Báñez, de reformar novamente o sistema público de pensións ampliando o período de cálculo a toda a vida laboral é “alarmante”. A central sindical manifesta o seu absoluto rexeitamento á posta en marcha desta ou doutras medidas similares que teñen como único obxectivo provocar unha aínda maior redución das súas contías e obrigar ás traballadoras e traballadores a subscribir plans privados para favorecer así o negocio da banca.

Fronte a isto a CIG, que entregou o pasado 21 de xuño preto de 14.300 sinaturas recollidas polo colectivo de xubilados/as e pensionistas no Parlamento de Galiza en defensa do sistema público de pensións, demanda que freen dunha vez os constantes ataques ao sistema público de pensións, que se derroguen as reformas que xa provocaron nos últimos anos o seu deterioro, que se garanta o seu poder adquisitivo e que as mínimas sexan iguais ao SMI.

O secretario xeral da CIG, Paulo Carril, sinala ademais a necesidade de derrogar as reformas laborais e exixe que se articulen medidas para rematar coa subcontratación, a precariedade e as tarifas planas para as empresas non cotizar á Seguridade Social, que son as que van xerando un deterioro na vía dos ingresos.

Lembra que a central sindical xa tivo que convocar unha folga xeral en solitario, no ano 2011, contra o atraso da idade de xubilación aos 67 anos -promovido daquela polo goberno do PSOE- e que se mobilizou en 2013 contra a reforma do goberno do PP, encabezado por Mariano Rajoy, na que se impuxo que o IPC deixara de ser o referente para o seu incremento e se introduciu que, en 2019, o factor de sustentabilibilidade opere co obxectivo de empeorar e reducir as pensións públicas.

Carril asegura que todas as dúbidas que se están a xerar arredor da viabilidade do sistema público de pensións son interesadas para favorecer precisamente os plans privados e seguir neste camiño de recorte das pensións públicas, alongando os anos de referencia para o seu cálculo e na vía de atrasar a idade de xubilación até os 70 anos.

Pensións por debaixo da media

Xunto a isto subliña que as pensións galegas xa están un 15-20% por debaixo da media das contías das pensións no Estado español e que esas sucesivas reformas aprobadas por PP e PSOE fixeron cada vez máis difícil o acceso ás pensións contributivas, rebaixaron as pensións de quen accede ao sistema e atrasaron a idade efectiva da xubilación. Isto xunto o feito de que nos últimos 6 anos houbo varios exercicios nos que non se revisou o seu importe nominal –ou este se fixo por debaixo da inflación-.

A mocidade, abafada pola precariedade, sería a máis afectada

As consecuencias de tomar como referencia para o cálculo das pensións toda a vida laboral serían nefastas para a clase traballadora galega en xeral mais afectarían de forma especial á mocidade que sofre, con dureza, os efectos da reforma laboral de 2012, que contribuíu á súa precarización.

Tal é así que entre os menores de 18 anos os ingresos diminuíron un 43% desde 2009 e non chegan sequera aos 2.500 euros brutos anuais. O mesmo ocorre no grupo de idade de entre 18 e 26 anos, onde os ingresos se reduciron desde 2009 un 24%, superando apenas os 6.300 euros anuais e nin se achegan ao SMI.

Consecuencias para as pensións das mulleres traballadoras

A CIG alerta tamén das consecuencias que tería para as mulleres, que xa están discriminadas no acceso ás pensións contributivas, porque teñen unha vida laboral máis precaria e con importantes lagoas de cotización.

Ademais hai unha feminización das pensións non contributivas, o que fai que 1 de cada 4 mulleres maiores de 65 anos estea baixo o limiar da pobreza.

Erros no cálculo

Ás xa mermadas pensións engádense os erros no sistema de cálculo detectados pola CIG na provincia de Pontevedra. A central sindical trasladou ao INSS que iso estaba provocando unha redución dos ingresos das persoas xubiladas, xa que as bases de cotización da Tesourería Xeral da Seguridade Social non coincidían coas bases reguladoras do cálculo que fai o Instituto Nacional da Seguridade Social.

CCOO esixe que se «asuman responsabilidades políticas» polo colapso das urxencias dos hospitais

 A Federación de Sanidade de CCOO de Galicia esixe que se «asuman responsabilidades políticas» polo colapso das urxencias dos hospitais, comezando pola destitución dos xerentes das áreas sanitarias, que «non estiveron á altura do que a situación requería». O sindicato tamén reivindica un plan de recuperación do emprego e do investimento para reverter a deterioración do sistema sanitario público. Leer más

1 2 3 35