1.274 familias beneficiáronse en 2018 do programa “ChegOU” de apoio á natalidade, que promove a Deputación de Ourense

O presidente da Deputación de Ourense, Manuel Baltar, e o delegado territorial de Abanca en Ourense, Rubén Saavedra, asinaron hoxe no Pazo Provincial o convenio de colaboración entre ámbalas dúas entidades para desenvolver en 2019 o programa “ChegOU” de apoio á natalidade, un acordo que permite xestionar mediante unha tarxeta prepago a axuda económica que outorga a Deputación de Ourense -300 euros por bebé-, destinada á adquisición en farmacias e parafarmacias de produtos hixiénicos, alimentarios e/ou de saúde, relacionados co primeiro ano de vida do bebé. Para 2019 concedéronse un total de 1.274 axudas (dun total de 1.314 presentadas), ascendendo o importe das mesmas a 339.300 euros.

Deputación de Ourense e Abanca desenvolven esta acción social “poñendo a disposición dos pais e nais ourensáns que amplíen as súas familias unha iniciativa de apoio á natalidade, liña estratéxica do goberno provincial, que realizamos coa máxima capacidade técnica, innovadora e de xestión para axilizar a tramitación”, explica Manuel Baltar.

O presidente do goberno provincial afirma que estas axudas, na liña do reto demográfico, que impulsa a Deputación, “son unha aposta por Ourense, e as cifras do ano anterior reflicten que só oito concellos da provincia non presentaron solicitude, o que significa que en 84 municipios si houbo nacementos e as familias tramitaron as axudas”. Manuel Baltar considera que esta iniciativa “contribúe, ademais, a dinamizar as farmacias e parafarmacias da provincia de Ourense no que se refire aos produtos de primeira necesidade para os bebés”, e destaca que para levar a cabo este procedemento “contamos un ano máis coa inestimable colaboración de Abanca, nun proceso que se caracteriza polo “papel cero” -con todas as xestións telemáticas-, e avalado polo excelente labor de Abanca, o que contribúe ao éxito do programa”. O presidente lembra que “en días” abrirase o prazo para poñer en marcha este procedemento por parte da Deputación de Ourense, “que nos seus orzamentos para 2019 contempla, unha vez máis, esta aposta pola demografía na provincia de Ourense”. A partida destinada para esta acción ascende a 400.000 euros.

Pola súa banda, Rubén Saavedra afirma que a sinatura deste convenio “supón un paso máis na liña de colaboración entre a Deputación de Ourense e Abanca. Nós, polo que atinxe a Abanca, poñemos ao servizo dos usuarios unha experiencia de décadas no ámbito dos medios de pago, para que dispoñan dun uso sinxelo e poidan acceder a eses produtos a través dos establecementos asociados”. Saavedra salientou que son máis de 4.100 os beneficiarios que xa dispuxeron destas vantaxes e máis 1,2 millóns de euros repartidos en axudas; en definitiva, unha mostra máis do compromiso de Abanca coa provincia de Ourense”.

“Papeis cero”

As solicitudes para a tarxeta ChegOU presentáronse a través da plataforma informática no enderezo http://natalidade.depourense.es. O tempo medio entre a solicitude e a resolución de concesión foi de 24 días e o tempo medio ata que as persoas beneficiarias recibiron a tarxeta no seu domicilio foi de 29 días. A Deputación de Ourense puxo en marcha esta iniciativa de apoio ao fomento da natalidade en 2016, programa que continuou desenvolvéndose en 2017, 2018 e no presente ano.

foto cova rey cintolo

Como mellora na xestión, consciente das complicacións das primeiras semanas de maternidade/paternidade, introduciuse a opción “Anticipa”, que posibilita as futuras persoas beneficiarias, con carácter previo ao parto, a presentación dunha presolicitude dixital que inclúe os datos necesarios para que a administración comprobe anticipadamente os requisitos que darán dereito á axuda. Así, no momento do nacemento, só é preciso pulsar nos datos de nacemento e facer a presentación exprés da solicitude, sen necesidade de cubrir ningún outro dato nin aportar documentos. Ata o momento rexistráronse un total de 298 presolicitudes presentadas coa opción “Anticipa”.

Na seguinte táboa reflíctense os datos de procedencia das solicitudes, segundo o concello de residencia da persoa solicitante:

CONCELLOS

Solicitudes ChegoU 2018

ALLARIZ

36

AMOEIRO

9

ARNOIA, A

0

AVIÓN

3

BALTAR

7

BANDE

5

BAÑOS DE MOLGAS

4

BARBADÁS

80

BARCO DE VALDEORRAS, O

52

BEADE

3

BEARIZ

0

BLANCOS, OS

3

BOBORÁS

7

BOLA,A

3

BOLO, O

0

CALVOS DE RANDÍN

0

CARBALLEDA DE AVIA

3

CARBALLEDA DE VALDEORRAS

5

CARBALLIÑO O

66

CARTELLE

8

CASTRELO DE MIÑO

3

CASTRELO DO VAL

3

CASTRO CALDELAS

2

CELANOVA

23

CENLLE

5

CHANDREXA DE QUEIXA

0

COLES

12

CORTEGADA

3

CUALEDRO

2

ENTRIMO

2

ESGOS

5

GOMESENDE

1

GUDIÑA,A

8

IRIXO,O

3

LAROUCO

2

LAZA

3

LEIRO

3

LOBEIRA

2

LOBIOS

4

MACEDA

6

MANZANEDA

1

MASIDE

10

MELÓN

2

MERCA, A

8

MEZQUITA,A

3

MONTEDERRAMO

2

MONTERREI

6

MUIÑOS

6

NOGUEIRA DE RAMUIN

8

OIMBRA

3

OURENSE

512

PADERNE DE ALLARIZ

11

PADRENDA

2

PARADA DE SIL

1

PEREIRO DE AGUIAR, O

37

PEROXA, A

8

PETIN

2

PIÑOR

3

POBRA DE TRIVES, A

8

PONTEDEVA

1

PORQUEIRA

2

PUNXÍN

4

QUINTELA DE LEIRADO

1

RAIRIZ DE VEIGA

2

RAMIRAS

4

RIBADAVIA

27

RIÓS

4

RÚA, A

19

RUBIÁ

4

SAN AMARO

1

SAN CIBRAO DAS VIÑAS

38

SAN CRISTOVO DE CEA

3

SAN XOÁN DE RÍO

1

SANDIAS

3

SARREAUS

0

TABOADELA

4

TEIXEIRA, A

1

TOEN

9

TRASMIRAS

2

VEIGA, A

0

VEREA

0

VERÍN

65

VIANA DO BOLO

14

VILAMARIN

5

VILAMARTÍN DE VALDEORRAS

5

VILAR DE BARRIO

2

VILAR DE SANTOS

5

VILARDEVÓS

2

VILARIÑO DE CONSO

2

XINZO DE LIMIA

57

XUNQUEIRA DE AMBÍA

4

XUNQUEIRA DE ESPADANEDO

4

TOTAL

1314

 

Deja un comentario

Tu dirección de correo electrónico no será publicada. Los campos obligatorios están marcados con *

dieciseis − 12 =

Este sitio usa Akismet para reducir el spam. Aprende cómo se procesan los datos de tus comentarios.