O Arde Lvcvs MMXIX pecha este venres o prazo para presentar os deseños que aspiren a ser o seu cartel cartel anunciador

Este venres, 15 de febreiro, remata o prazo para presentar os deseños de cartel anunciador do Arde Lvcvs MMXIX. As persoas interesadas aínda poden participar no concurso de deseño gráfico, debendo entregar as súas obras na Casa da Xuventude, de 10:00 a 14:00 horas en horario de mañá, e de 16:30 a 21:30 pola tarde, ou mediante correo certificado.

Nesta ocasión o premio para a persoa gañadora ascende a 1.300 euros, e o traballo gañador será o que anuncie esta festa declarada Festa de Interese Turístico e Nacional, que terá lugar o 14, 15 e 16 de xuño.

As persoas interesadas deberán presentar os seus traballos, en tamaño A-3, técnica libre, en soporte ríxido para facilitar a súa exposición, ademais de copia en formarto dixital, cunha resolución de 1890×2645. Farase en sobre pechado co lema do cartel, sen ningunha forma de identificación. Noutro sobre deberá indicarse por escrito o mesmo lema e os datos identificativos do autor ou autora. Os carties obrigatoriamente terán que levar os seguintes compoñentes: Arde Lucus MMXIX, Festa de Interese Turístico Galego e Festa de Interes Turístico Nacional, a páxina web www.ardelucus.com, a data de celebración (14, 15 e 16 de xuño) e os logotipos das redes sociais oficiais dos festexos.

As obras presentadas serán exhibidas nas redes sociais do Arde Lucus, onde se farán unha votación popular da que se seleccionarán as obras que se someterán a votación do xurado. Unha vez realizada a votación popular on-line seleccionanranse o seguinte número de carteis: se o número de carteis presentados non supera os 50, seleccionaránse os 10 máis votados e se o número de carteis supera os 50, seleccionaranse 10 e a maiores o 10% dos numero total de carteis presentados.

Esta votación popular levarase a cabo on-line. O prazo para a votación estará aberto desde as 12:00 horas do 18 de febreiro ata as 12:00 horas do 24 de febreiro. Unha vez feito o reconto de votos, farase pública a selección a través das redes sociais oficiais do Arde Lucus e da web do Concello de Lugo www.lugo.gal

O Concello de Lugo seleccionará un xurado formado por tres persoas expertas, o cal será o encargado de seleccionar a obra gañadora entre as seleccionadas previamente pola votación popular o día 27 de febreiro ás 11.00 horas na Casa da Xuventude.

As bases están dispoñibles para todos as persoas interesados na na web municipal www.lugo.gal ou no teléfono de atención cidadá 010.

La Goma, la tertulia que se ve

Deja un comentario

Tu dirección de correo electrónico no será publicada. Los campos obligatorios están marcados con *

20 − 17 =

Este sitio usa Akismet para reducir el spam. Aprende cómo se procesan los datos de tus comentarios.