Preto de 250 nenos de 6º de primaria dos centros escolares de Tui participarán esta semana na Aloiada 2019

Equitación, escalada, ou piragüismo son algunhas das actividades que van a levar a cabo

Na mañá de hoxe presentouse no concello de Tui a Aloiada 2019 na que van a participar os 8 centro educativos de Tui, CEIP Nº1, Nº2, CEIP Pazos de Reis, CEIP de Rebordáns, CEIP de Guillarei, CEIP de Randufe, CEP de Caldelas e CPR Sta Mº Maristas.

A actividade da comezo este xoves ás 9.30h coa recollida dos alumnos nos centros escolares en dirección ó Parque Natural do Aloia. A media mañá desprazaranse o Monte Galiñeiro  onde a partir das 12.15 comezarán as actividades de escalada, equitación, Rappel, orientación e dous talleres, un de primeiros auxilios e outro de nós. A partir das 17.00h iniciarán unha ruta de sendeirismo dende o Monte Galiñeiro até o Monte Aloia, coa chegada prevista ás 20.30h aproximadamente.

O venres a xornada comezará ás 9.00h co almorzo e seguido a recollida de tendas de campaña. Ás 10.30h será o inicio dunha ruta de sendeirismo que os levará por a Poza de Cavanas, Arboreto, Rego da Pedra e o Muiños do Tripes en Pazos de Reis. Ás 14.00h está prevista a comida no Parque de Circos e no Parque do Penedo. Ás 16.00h dará comezo as actividades acuáticas de remo e piragüismo no rio Miño até ás 19.30h que remata a xornada.

A Aloiada é unha actividade que conta coa colaboración do Concello de Tui e a Consellería de Medio Ambiente,  o Local Amigos do Aloia e local Entidade Menor de Pazos de Reis, a Federación Galega de Montañismo, o Club Kayak Tudense, e Club Remo Tui, a empresa Verde-Azul Aventuras e o  Club Hípico Equigalia. A Aloiada conta tamén coa colaboración de diversos locais de alimentación ós que se lles solicitou unha aportación de comida para as das dúas xornadas.

O concelleiro de deportes en funcións, Eduardo Freiría, e a concelleira de educación en funcións, Mila González, destacaron o valor que ten para os nenos esta xornada de convivencia tanto entre alumnos como coa natureza.

Pola súa parte, o alcalde de Tui en funcións, Carlos Vázquez Padín, felicitou os directores dos 8 centro educativos por facer que unha actividade tan enriquecedora para os alumnos se teña convertido xa nunha tradición.

Deja un comentario

Tu dirección de correo electrónico no será publicada. Los campos obligatorios están marcados con *

4 × uno =

Este sitio usa Akismet para reducir el spam. Aprende cómo se procesan los datos de tus comentarios.