Inés Rey: “A aposta do Goberno pasa por axudar e consolidar ás pemes, que son as que crean emprego e benestar social”

A alcaldesa acudiu á entrega dos terceiros Premios Pyme 2019, organizados pola Cámara de Comercio da Coruña e Santiago e o Banco Santander

A alcaldesa Inés Rey acudiu esta mañá á entrega da terceira edición dos Premios Pyme 2019, convocados pola Cámara de Comercio de A Coruña e Santiago e o Banco Santander, nun acto no que destacou a boa saúde das empresas coruñesas e o feito de que se presentaran ata 60 firmas da provincia a esta convocatoria, onde se distinguiu a Genesal co Premio Pyme 2019 e na que levaron accésits outras catro empresas como son Distribuciones Tikiting, Cofrico, Do Artesanato e Emociacción.

Rey apuntou que “a aposta do Goberno local pasa por axudar e consolidar ás pemes que son as que crean emprego e benestar social á cidade”. Agradeceu tamén o labor da Cámara de Comercio pola súa implicación en novos proxectos “que se dirixen ao crecemento da cidade”.

As gañadoras pasarán agora a competir coas seleccionadas no resto das provincias polo Pyme do Ano de España, unha oportunidade para intercambiar experiencias con outras iniciativas empresariais e sumar puntos de cara a mellorar a calidade do que ofrecen ao mercado.

Deja un comentario

Tu dirección de correo electrónico no será publicada. Los campos obligatorios están marcados con *

quince − 4 =

Este sitio usa Akismet para reducir el spam. Aprende cómo se procesan los datos de tus comentarios.