Preséntanse as actividades teatrais no cemiterio de Lugo “E logo ti… Quen vés sendo?”

4 novas visitas teatralizadas ao Cemiterio de Lugo que interpretará Achádego Teatro. As visitas estarán limitadas a 50 persoas, que deberán retirar unha invitación

A concelleira de Participación e Servizos para a Veciñanza, Cristina López, xunto con Tareixa Campo e Suso Meilán, de Achádego Teatro, presentaron no día de hoxe as actividades teatrais E logo ti… Quen vés sendo?, unha serie de 4 visitas teatralizadas ao cemiterio municipal de Lugo que “se enmarcan no proxecto de difusión cultural do cemiterio, coa que se pretende mostrar a súa cara máis cálida e emocional, e tamén poñer en valor o patrimonio funerario”.

E logo ti… Quen vés sendo? É unha actividade teatral cuxo guión e interpretación corren a cargo de Achádego Teatro, grupo de teatro da cidade cunha importante traxectoria, a través da cal se poderán realizar unha serie de visitas ao recinto onde os diferentes persoeiros representados en cada unha delas contarán aspectos relevantes das súas vidas, axudando tamén a situalos no tempo e na vida social e rememorando a historia da cidade.

Cristina López indicou que as visitas se realizarán os domingos 15 de setembro, 20 de outubro, 24 de novembro e 15 de decembro, e estarán limitadas a 50 persoas que deberán retirar unha invitación na Oficina Municipal de Turismo, e lembrou que se pode obter máis información no 010.

Deja un comentario

Tu dirección de correo electrónico no será publicada. Los campos obligatorios están marcados con *

diez + dieciseis =

Este sitio usa Akismet para reducir el spam. Aprende cómo se procesan los datos de tus comentarios.