Ciudadanos censura a “nefasta xestión” do Goberno en materia de persoal

A portavoz municipal, Olga Louzao, alerta de que a «nula planificación» afecta á calidade dos servizos prestados á cidadanía e considera que os últimos acontecementos son consecuencia da inacción socialista ao longo dos últimos 8 ano

A portavoz municipal de Cs, Olga Louzao, censurou esta mañá a «nefasta xestión» que o actual goberno local está levando a cabo en materia de persoal. «Os últimos acontecementos son consecuencia da inacción socialista ao longo dos últimos 8 anos. Contamos cuns servizos municipais mal dimensionados e iso repercute de forma directa na calidade dos servizos que se prestan aos cidadáns. Falta iniciativa política para corrixir a situación e falta tacto», sinalou a edil da formación laranxa.

Louzao culpou directamente aos dirixentes socialistas do Goberno municipal como responsables da saturación dos servizos. «Eximir responsabilidades estase convertindo nun perigoso hábito por parte dos membros do Goberno quen descargan a súa responsabilidade directamente sobre os funcionarios, especialmente nos xefes de servizo, para tapar os seus propios fracasos», apuntou. «Se este Concello funcionou ata agora, é grazas aos seus traballadores. É inxusto sinalalos», afirmou.

O grupo municipal de Cs considera que o xerme deste mal endémico na nosa Adminitración local é a actual Relación de Postos de Traballo (RPT). «Temos unha RPT totalmente obsoleta que non se adecúa á realidade da vida diaria do Concello. Están demostrando que non teñen a capacidade para afrontar esta importante reforma. O bloqueo que sofre o Goberno tradúcese nun deterioro progresivo do funcionamento dos servicos. Agora bótanse as mans á cabeza, pero era evidente que, sen tomar cartas no asunto, isto ía pasar», dixo.

Louzao advertiu de que a situación estase enquistando en moitas áreas e desvelou que a falta de organzaición tradúcese en conflitos entre os traballadores. «Como muestar diso temos os problemas que viven os funcionarios da banda municipal de música, onde a día de hoxe a situación parece ireconducible», concluíu. «No pasado mandato vivimos a situación insolita de asistir a unha folga de funcionarios. Levamos tempo advertindo que este concello reina a anarquía en materia de persoal. O abandono é total: ademais da RPT están a paralisis en materia de contratación de persoal, os sistemas para fichar aínda non están operativos, as horas extras se acumulam, etc.», puntualizou a portavoz.

O grupo municipal de Cs considera inadmisble que nos sete primeiros meses deste ano autorizáronse un total de 3.379 horas extra. «É a evidencia palpable de que os departamento están mal dimensionados e que a atención que se presta aos veciños e veciñas é deficiente. É máis, é a evidenica de que o Goberno municipal esta incumpliendo de forma reiterada a Lei 2/2015, do 29 de abril, de emprego público», sinalou a edil. Louzao considera que é «urxente e necesario» sacar as ofertas de emprego público, nalgúns casos, conxeladas desde o ano 2016. «Sacar estas convocatorias é o primeiro paso para corrixir esta deriva», finalizou.

Deja un comentario

Tu dirección de correo electrónico no será publicada. Los campos obligatorios están marcados con *

cuatro × cinco =

Este sitio usa Akismet para reducir el spam. Aprende cómo se procesan los datos de tus comentarios.