Comba Campoi e Manuel Lorenzo conversan na RAG sobre o teatro popular de monicreques na posguerra

Barriga Verde percorreu Galicia de feira en feira, de aldea en aldea, da man da familia Silvent entre os anos 10 e os primeiros 60 do século pasado. O monicreque máis popular do país, herdeiro da tradición de monifates europea que deixou personaxes como Pulcinella, foi, coma el, un voceiro dos desherdados e transmisor da súa cultura popular. Un xeito de comunicar a visión do mundo das clases subalternas sometidas ao poder en plena ditadura sobre o que falará na Real Academia Galega o vindeiro martes 26 de marzo Comba Campoi, autora de Sen medo ao demo. Resistencia simbólica na Galiza da posguerra: o teatro de títeres de Barriga Verde, en conversa co dramaturgo e actor Manuel Lorenzo. O acto, de entrada libre, terá lugar no salón de actos da Academia a partir das 19:30 horas, na véspera do Día Mundial do Teatro. O público poderá ver ademais unha pequena mostra de pezas orixinais da barraca de Silvent. Leer más

1 2 3 13