A Real Academia Galega publica o discurso de ingreso de Antonio Fraguas na institución e os orixinais mecanoscritos

“Bo fillo de Cotobade, Antonio Fraguas quíxonos ofrecer esta noite a gala e a honra do seu país: os seus cantos”. Ramón Otero Pedrayo recibía con estas palabras a Antonio Fraguas como membro de número da Real Academia Galega o 8 de maio de 1956. O etnógrafo, xeógrafo, historiador e docente deu lectura na sesión de recepción ao discurso titulado As coplas que se cantaban nas ruadas de Loureiro de Cotobade. Roseiras e paxariños nas cantigas dun serán, un fermoso texto fiado con versos populares da súa terra. A Academia, na véspera do 63 aniversario daquela cerimonia, publica en versión dixital os orixinais, mecanoscritos, da intervención da figura á que lle dedica o Día das Letras Galegas 2019 e mais o manuscrito da resposta que lle deu Otero Pedrayo. Na web da institución tamén se ofrece a edición de ambos os textos adaptada ás Normas ortográficas e morfolóxicas do idioma galego. Leer más

1 2 3 4 5 19