A outra final de Champions. Por @DulceCorcu

Aínda segue latexando a estrepitosa eliminación do F.C. Barcelona na semifinal de Champions en Liverpool o pasado martes. Minutos, horas e días dedicados a analizar o fracaso, a oportunidade perdida e o rendemento dos seus xogadores. No mesmo clube, o equipo feminino uns días antes, sí foi quen de prantarse nesa final con todo esplendor, e o 18 de maio xogarán o definitivo partido nunha canle en aberto, a unha hora -seis da tarde- que tuvo que lidiar coas pretensións do presidente da Liga española, que pretendía que nese mesmo horario dese comezo a derradeira xornada da Liga masculina. O balbordo provocado obrigóuno a reconsideralo e, finalmente, pospoñer a súa competición un par de horas. Non era abondo que acadar esa final pasase prácticamente desapercibido para os medios, que non obtivese tres horas de profunda análise deportiva nos programas da televisión, nin que os xornais estivesen cheos de artigos alabando as virtudes das xogadoras, senón que por enriba o que pretendía Javier Tebas era que ninguén vise esa final contraprogramando coa “Liga das Estrelas”. 

Leer más

Euskadi en eleccións. Por @DulceCorcu

Estamos afeitos, moi especialmente dende o conflito catalán, a escoitar a todas horas iso de que “todo é España”, “todos somos españois” e sí, territorialmente somos, mais as diferenzas que nos separan, nalgúns casos, son tan abrumadoras que xa non é que parezan doutro país, senón doutro planeta. É o caso concreto de Euskadi, que nestas aínda recentísimas eleccións veñen de marcar case un fito histórico, deixando sen ningún tipo de representación á alianza de dereitas e extrema dereita de PP, Ciudadanos e VOX. Nin un triste escano. Absolutamente reducidos á nada, inédito en calquera outra Comunidade do Estado español.

Leer más

Dous e dous son cuatro. Por @DulceCorcu

Acaban de lembrarllo a unha mestra da Pontenova, Sabela Núñez, que tivo a ousadía de pretender que nenos e nenas galego falantes, deran entendido as matemáticas na língua nai, cando todos sabemos que as cousas importantes teñen que darse no imperial castelán ou, xa se eres un sibarita, en inglés. Pero nunca en galego, esa língua de pobres que na Xunta ven horrorizados coma aínda hai quen a fala, con todos os esforzos que fan para exterminala.

Leer más

Mestres da ignorancia. Por @DulceCorcu

Ser mestre dalgunha cousa implica un mínimo coñecemento sobre ela, porque selo da ignorancia non pasa de ser un oxímoron, unha incongruencia. Mais con todo iso, habelos, hainos, e ás veces ata saen pola televisión e pretenden ensinarnos o que nin eles saben. Tal aconteceu esta semana durante a emisión do programa “Maestros de la costura”, nada menos que na primeira canle de Televisión Española, esa mesma que pagamos todas e todos para que invirtan o noso súor en ilustrarnos e entreternos, pero nunca en embrutecernos. Na derradeira emisión deste programa, unha das probas era converter traxes rexionais en “modernos”, e o gol nas Gaunas saltou cando presentaron o traxe galego coma “Traxe típico de Vigo”. Sen intermediación de Abel Caballero nin nada, así por pura ignorancia nada máis.

Leer más

Arbitrando a Costa. Por @DulceCorcu

Ser árbitro, coma ben reflectía un deles nunha recente entrevista, non é algo doado nin oficio que serva para todo o mundo. Supónselles certa habilidade e man esquerda, un mínimo de psicoloxía e moito sangue frío ante as inevitables situacións adversas diante de xogadores ou afeccións. Coñecer o regulamento non se debería nin cuestionar, aínda que á vista de moitos encontros poñen difícil dar iso por certo.

Leer más

1 2