La crisis económica reduce la tasa de fecundidad en España, especialmente entre los 30 y los 34 años

Si la tasa de fecundidad aumentó en España una media anual de 0,52 entre 1998 y 2008, la cifra se revirtió con el comienzo de la crisis económica. Entre 2009 y 2013 el número de nacimientos por cada 1.000 mujeres en edad fértil (de los 15 a los 49 años) se redujo una media de 0,40 cada año. Este decrecimiento ha sido especialmente notorio en las mujeres entre 30 y 34 años. Es el principal hallazgo de una investigación que publica este mes la Agència de Salut Pública de Barcelona (ASPB) en la revista GACETA SANITARIA en colaboración con otras instituciones como la Universidad Autónoma de Madrid, la Universitat Pompeu Fabra, la UPV/EHU y la London School of Hygiene and Tropical Medicine. Leer más

Íntegro conmemorou o Día da Diversidade cos máis cativos

Unha xornada de convivencia no CEIP Eduardo Pondal de Ponteceso e un espectáculo infantil na Biblioteca Rego da Balsa de Carballo con Mamá Cabra centraron a xornada festiva e reivindicativa

Reivindicativo e festivo. Así foi o Día Internacional das Persoas con Diversidade Funcional para a asociación Íntegro. Este ano, a entidade que preside Adolfo López Baña quixo conmemorar esta data tan sinalada cun programa de actividades aberto a toda a cidadanía e, moi especialmente, aos máis cativos/as co obxectivo de involucralos e conciencialos sobre a importancia de lograr unha sociedade máis xusta, igualitaria, inclusiva e diversa. A educación e o xogo foron as ferramentas elixidas para logralo. E o balance deste 3 de decembro non podía ser máis positivo.

A programación deu comezo a primeira hora da mañá coa celebración dunha xornada de convivencia con escolares, que se desenvolveu no CEIP Eduardo Pondal de Ponteceso. Arredor de 100 nenos e nenas, de 3º a 6º de educación primaria, participaron durante unha hora e media dunha experiencia única e moi enriquecedora que resultou ser un gran éxito debido á excelente combinación de xogo, aprendizaxe e diversión.

Ao longo da mañá, as aulas do centro abriron as súas portas á diversidade e á inclusión a través da realización dalgúns dos obradoiros máis tradicionais (e máis agardados) pola cativada como o de realización de xabóns de glicerina ou bixutería, que levaron a cabo os alumnos de 5º e 6º curso. Estes últimos tamén se atreveron cun taller de robótica, no que puxeron a proba as súas habilidades coas últimas tecnoloxías. Mentres tanto, os/as estudantes de 3º tamén tiveron ocasión de innovar no obradoiro de experimentos que levaron a cabo coa axuda dos nosos usuarios/as e as súas monitoras. Por último, os máis pequenos/as (3º) participaron nun concurso de debuxo, no que puxeron de manifesto as súas habilidades artísticas e creativas baixo o lema “Todos somos iguais”.

Espectáculo infantil con Mamá Cabra

Os máis pequenos/as da casa foron xunto coas súas familias os/as protagonistas do acto central da xornada organizada por Íntegro para conmemorar o Día Internacional das Persoas con Diversidade. O espectáculo de Mamá Cabra “Contos para un mundo mellor”, protagonizado por Gloria Mosquera e Diego Maceiras ao acordeón encheu de música, aventuras e moitas risas a Biblioteca Rego da Balsa de Carballo, ateigada de público de primeira a última hora como era de esperar, xa que os convites para acudir ao acto esgotáronse o primeiro día.

A través do conto e da palabra, peques e maiores tiveron a oportunidade de achegarse á diversidade e  concienciarse sobre a necesidade de eliminar os prexuízos sociais que existen arredor das persoas don disCapacidade. Logo dunha animada actuación,  todos os/as asistentes puideron desfrutar dunha deliciosa e saudable merenda a base de froita (e algún que outro doce) elaborada polos propios usuarios/as.

Por outra banda, o día tamén deixou momentos para a reivindicación como o que viviron os usuarios e usuarias que se desprazaron ata Cee para participar na concentración “Baixo o mesmo paraugas”, convocada por APEM-Cee. Xunto a compañeiros/as doutras entidades asistiron na Praza 8 de Marzo á lectura do manifesto do 3 de decembro en favor das persoas con diversidade funcional.

1 2 3 28